ஆன்மீக பக்தர்களுக்கும் அன்புடையீர்!

நமது ஊர் திருப்பூர் மாவட்டம், தாராபுரம் என்று அழைக்கப்படும் இந்தப் புண்ணிய பூமியில், தொப்பம்பட்டி கிராமம், திருமாலிருஞ்சோலை என்கிற அற்புத ஷேத்திரத்தில் கலியுகத்தில் கண்கண்ட தெய்வமாகவும், பக்தர்களின் துயர் துடைக்கும் எம்பெருமானாகவும் சீதேவி பூதேவி சமேத ஸ்ரீனிவாச பெருமாள் அருள்பாலித்து வருகிறார்.

இவ்வுலகில் நீக்கமற நிறைந்திருந்து பக்தர்களின் துயர் துடைக்க தசாவதாரம் எடுத்து, மகாலட்சுமியைத் தன் மார்பில் ஏற்று, வேண்டுவோர்க்கு வேண்டிய வரங்களை வாரி வழங்கி, எண்ணிய எண்ணங்கள் ஈடேறச் செய்து கொண்டிருக்கும் திருப்பதி எம்பெருமான் சீதேவி, பூதேவி சமேத ஸ்ரீனிவாச பெருமாள் சுவாமிக்கு, நமது தொப்பம்பட்டி கிராமம், திருமாலிருஞ்சோலை என்ற அற்புதமான இடத்திலே புதிய ஆலயமும், புதிய கோபுரமும், நூதன பிம்பங்களும் அமைப்பதற்கு ஏற்பாடுகள் செய்து திருப்பணிகளைத் தொடங்கியுள்ளோம்.